Go Back

Ayubu Chapter 7

• 1. Anga mũndũ to ta kũgererũo agereirũo ihinda rĩake rĩa gũtũũrio ita-inĩ gũkũ thĩ? namo matukũ make anga to ta matukũ ma ũrĩa mwandĩke wĩra?
• 2. Niĩ-rĩ, ndariĩ ta ngombo ĩĩrirĩirie mũno kĩĩgunyĩ, ningĩ ta mũthũkũmi ũrĩa ũthethũkĩire mũcara wake.
• 3. Niĩ nĩguo nduĩrĩirũo atĩ ngĩe na mĩeri ya tũhũ, na ngaathĩrĩrũo ndaarage maraara ma mĩnoga.
• 4. Rĩrĩa ndakoma, njũragia atĩrĩ, Ndĩrĩũkĩra rĩ? ũtukũ ũgagĩtuĩka no mũraya, na ndaaraga ngĩanganga o nginya gũkĩe.
• 5. Mwĩrĩ wakwa ũiyũirũo nĩ igunyũ na ngũmba cia tĩri; ikonde ciakwa nĩigucanagĩrĩra igĩcokaga kũgucũkana rĩngĩ.
• 6. Matukũ makwa nĩmarathira na ihenya rĩkĩrĩte rĩa kanyamũ karĩa gakonjanithagia uthi tama ũgĩtumwo, nĩ gũthira marathira itarĩ na ũndũ ũrĩa ndĩĩrĩgĩrĩire.
• 7. No kĩririkane atĩ muoyo wakwa no rũhuho; riitho rĩakwa rĩtigacoka kuona ũndũ mwega.
• 8. Ũrĩa ũnyonaga-rĩ, riitho rĩake rĩtigacoka kũnyona rĩngĩ; maitho maku nĩmakanjerekera, na ndigakorũo ho.
• 9. O ta ũrĩa itu rĩmicagĩrĩra rĩkabuĩria, ũrĩa wa gũikũrũka kwa ngoma noguo atangĩcoka kwambata rĩngĩ.
• 10. Ndagacoka kũinũka mũciĩ wake, harĩa aaikaraga ndarĩ hingo agacoka kuonwo.
• 11. Hakĩrĩ ũguo-rĩ, niĩ ndigũcoka kũgirĩrĩria kanua; ngwaria nĩ ũndũ wa ũrĩa roho wakwa ũgũtuurũo, ndĩĩtetere tondũ wa ũrĩa ngoro yakwa ĩĩ na ũcũngũ.
• 12. Kaĩ arĩ niĩ iria rĩa maĩ, kana nyamũ ĩrĩa nene ĩtũũraga iria thĩinĩ, tondũ ũgĩtũmĩte nangagĩrũo?
• 13. Rĩrĩa ndoiga, Ũrĩrĩ wakwa nĩguo ũgũtũma ’nyamarũke, atĩ kĩrumia nĩkĩo kĩngĩhoreria kĩeha kĩrĩa ndĩ nakĩo-rĩ,
• 14. Hĩndĩ ĩo wee ũgakĩ’makagia na iroto, na ũkandua nda na cioneki,
• 15. Ngoro yakwa ĩgagĩthura nĩ kaba gũitwo, kaba gũkua kũrĩ gũikara o na mahĩndĩ maya.
• 16. Muoyo nĩ gũthũũra ndĩũthũũrĩte; ndikwenda gũtũũra hingo ciothe; tigana na niĩ, nĩ amu matukũ makwa no ma tũhũ.
• 17. Mũndũ-rĩ, nĩ kĩ, o na tondũ ũkĩmũtuaga wa bata, na ũkamwĩkĩra ngoro-inĩ yaku,
• 18. Ningĩ ũkamũrokagĩra o rũcinĩ o rũcinĩ, na gũkaaga kahinda ũtarĩmũroragia?
• 19. Nĩ hingo ĩigana atĩa ũgũikara o ũkĩmbaraga, na ũtangĩndiga nyone kahinda ga kũmeria mata?
• 20. O na ingĩkorũo ’hĩtĩtie-rĩ, ndatuĩka nĩ ũndũ ũrĩkũ ngwĩkĩte, wee mũcũthĩrĩria wa andũ? ũnjigĩte nĩkĩ nduĩke mũhĩnga wa gũkũhĩngaga, ngakĩya kũigua nditũhĩte ta gĩkama?
• 21. Nawe nĩ kĩ gĩkũgiria ũnjohere wĩhia wakwa, waganu wakwa ũkĩweherie? amu rĩu no gũkoma ndĩrĩkoma tĩri-inĩ, nawe kũnjaria nĩũkanjarĩrĩria, na ndigakorũo ho.

Home