Go Back

Ayubu Chapter 30

• 1. Ĩndĩ, rĩu nĩ gũthekwo ’thekagwo nĩ arĩa anyinyi akwa, o arĩa ndairire maithe mao ngarega kũmaringania na ngui ciakwa cia rũũru.
• 2. Hinya wa moko mao-rĩ, ũngĩkĩng’una na kĩ, na nĩ andũ mathirĩirũo nĩ ũgima wao?
• 3. Wagi na ng’aragu nĩitũmĩte mamoce; matũire macukumaga thĩ nyũmũ o maikaire mamithimithi-inĩ kũu kwĩ rũng’ũrĩ na gũgakira ihooru.
• 4. Matuaga mũyuyu ihinga-inĩ; irio ciao nĩ mĩri ya mahĩnga.
• 5. Nĩ kũingatwo maingatagwo mũingi-inĩ; makayagĩririo ta ũrĩa gũkayagĩrĩrio mũici.
• 6. No mũhaka matũũre mĩkuru-inĩ ĩĩ cianda-inĩ, miungu-inĩ ya thĩ, o na ngurunga-inĩ.
• 7. Kũu ihinga-inĩ nĩkuo maikaraga o makĩraramaga; kũu mahuti-inĩ-rĩ, nĩkuo metugutanagia.
• 8. O nĩ ciana cia arĩa matarĩ mbuguĩro, ĩĩ-ni, ciana cia andũ matarĩ rĩĩtwa; nĩ kũrukarukwo maarukarukirũo bũrũri na mĩcarica.
• 9. Na rĩu acio nĩ gũtuĩka nduĩkĩte rũĩmbo rũao, ĩĩ-ni, harĩ o ngagĩtuĩka ta kĩgano.
• 10. Nĩ gũ’thũũra ma’thũũrĩte, makanjikaraga haraya, o na matingĩĩgirĩrĩria kũ’minja mĩnyĩrĩ o rĩrĩa maanyona.
• 11. Nĩ gũkorũo We nĩ gũtungũra atungũrĩte rũga rũakwa, akanyonia thĩna, nao rĩrĩa me harĩ niĩ magagĩte matamu ma kanua.
• 12. Mwena wakwa wa ũrĩo gwĩ kĩbeũ kĩũru gĩũkĩrĩte; nĩ gũikia maikagia magũrũ makwa njehere, na maka’haicĩrĩria njĩra ciao cia kũnyananga nacio.
• 13. Njĩra yakwa nĩ kũmĩhianyũra mamĩhianyũrĩte, magatindĩkĩrĩria ndirũ ĩno nyonete nĩguo ĩ’hoote, na no andũ ta arĩa matangĩona wa kũmateithia.
• 14. Mangorete ta matonyete na mwahuha mwariĩ, magakĩndugutũkĩra mokĩire muomokanĩro-inĩ ũcio.
• 15. No matebebia njerekeirio: gĩtĩo gĩakwa kĩũmbũrĩtwo ta kĩgũrũkĩtio nĩ rũhuho, wega ũrĩa ndatũire naguo ũgakĩbuĩria ta itu.
• 16. Na rĩu ngoro yakwa nĩ gũtwekũka ĩtwekũkĩte thĩinĩ wakwa; nĩ matukũ ma mĩtandiũko meĩngwatĩrĩire.
• 17. Ũtukũ mahĩndĩ ma mwĩrĩ wakwa maraaraga magĩthecangwo, na ruo rũrĩa rũ’thegenyaga rũtirĩ hingo rũhurũkaga.
• 18. Tondũ wa ũrĩa mũrimũ wĩ na hinya, nguo ciakwa nĩigũnyaraga, ika’nyita ta kanjũ yakwa ngingo-inĩ.
• 19. Ngai nĩ kũndekania andekanĩtie ndaka-inĩ, ngagĩtuwo ta tĩri na mũhu.
• 20. Wee-rĩ, nĩngũrĩragĩra, na ndũngĩnjĩtĩka; ngakĩrũgama na igũrũ, na no kũndora ũndoraga.
• 21. Nĩ kũngarũrũka ũngarũrũkĩte ũkanyũmĩra ĩhu; nĩ gũ’thũkĩra ũ’thũkĩire na ũhoti wa guoko gwaku.
• 22. Ũnjoete na igũrũ rũhuho-inĩ, ũgatũma rũnguue rũndware, nĩ kũnyagania ũrakĩ’nyagania kĩhuhũkanio-inĩ.
• 23. Amu nĩnjũĩ ũrĩnginyia o gĩkuũ-inĩ, ũnginyie mũciĩ ũcio wathĩrĩirũo arĩa othe me muoyo.
• 24. No rĩrĩ, mũndũ akĩharũrũka-rĩ, githĩ to gũtambũrũkia guoko? mũndũ ũkũninwo-rĩ, ndangĩkiuga mbu ateithio?
• 25. Niĩ githĩ ndiarĩragio nĩ ũhoro wa mũndũ ũkinyĩrĩirũo nĩ mũthenya mũũru? ngoro yakwa anga ndĩaiguagĩra arĩa aagi kĩeha?
• 26. Hĩndĩ ĩrĩa niĩ ndatanyaga ũhoro mwega, nĩrĩo ũũru wokire; rĩrĩa ndetereire o ũtheri, nĩrĩo gwokire nduma.
• 27. Njikaraga o ngĩgariũkagwo nĩ mara, na matikirĩrĩrie; nĩ matukũ ma mĩtandiũko manginyĩrĩire.
• 28. ’Thiaga ndĩ mũthitu nĩ kĩeha, na riũa itekũrĩona; ngarũgama kĩũngano-inĩ, ngarĩra ngoiga ndeithio.
• 29. Nduĩkĩte wa nyina na ngũcũ, na ngatuĩka wa thiritũ na nyaga.
• 30. Rũũa rũa mwĩrĩ wakwa nĩ kũhunyũka rũhunyũkĩte, na rũkonũka, na ngaakanwo mahĩndĩ nĩ ũrugarĩ.
• 31. Tondũ ũcio kĩnanda gĩakwa rĩu gĩtuĩkĩte o mũgirĩko, mũtũrirũ wakwa naguo ũkagarũrũo kayũ ka arĩa mararĩra.

Home