Go Back

Ayubu Chapter 27

• 1. NAKE Ayubu agĩcoka agĩtwara thimo ciake na mbere, akiuga atĩrĩ,
• 2. Na tondũ Mũrungu e muoyo-rĩ, o we ũteete kĩhooto gĩakwa, o ũcio Mwene-Hinya-rĩ, ũrĩa wĩkĩrĩte ngoro yakwa ũcũngũ,
• 3. (Amu muoyo wakwa o na rĩu no ũnjiyũire, no roho wa Ngai ndĩ o naguo maniũrũ-inĩ makwa,)
• 4. Nĩ ma, mĩromo yakwa ndĩkwaria cia wogogi, kana rũrĩmĩ rũakwa rũkoiga cia ũhinga.
• 5. Kũrogira ingĩĩtĩkia atĩ nĩ inyuĩ mwĩ na kĩhooto: nginya ngakua ndigetĩkĩra gũkaana wĩkindĩru wa ngoro yakwa ũ’thengere.
• 6. Ũthingu wakwa no ndĩũrũmĩtie, na ndingĩũrũmũkia: ngoro yakwa ndĩgũcuka matukũ makwa o na ũrĩkũ.
• 7. Thũ yakwa ĩroona ta ũrĩa mũndũ mwaganu onaga, mũnjũkĩrĩri-rĩ, arokĩona ta ũguo kuonagwo nĩ ũrĩa muogogi!
• 8. Tondũ-rĩ, ũrĩa gĩthagathago, kĩĩrĩgĩrĩro gĩake kĩngĩgĩtuĩka kĩ, Ngai aamũng’ũria, rĩrĩa-ni aamũcokera muoyo wake?
• 9. Mũrungu e hingo angĩkĩigua ikaya rĩake rĩrĩa mĩnyamaro ĩmũkinyĩrĩire?
• 10. Nĩngarĩ ũcio arĩ wa gwĩkenagĩra nĩ ũndũ wa Mwene-Hinya, akayagĩre Ngai mahinda mothe?
• 11. Inyuĩ-rĩ, nĩngũmuonia mwĩkĩre wa guoko kwa Mũrungu; maũndũ ma Mwene-Hinya niĩ ndikũmahitha.
• 12. Inyuĩ inyuothe githĩ mũtimeoneire? nĩ kĩ gĩgĩtũmĩte mũtuĩke andũ a tũhũ o biũ?
• 13. Rũrũ-rĩ, nĩruo rũgai rũa mũndũ ũrĩa mwaganu harĩ Mũrungu, nĩrĩo igai rĩa arĩa anyarirani, rĩrĩa magwataga harĩ Mwene-Hinya.
• 14. Ciana ciake ingĩingĩha, nĩ njomo ciingĩhĩire, na rũciaro rũake rũtingĩhũnaga irio.
• 15. Ndigwa ciake igathikwo na mũthiro, na atumia a gwake arĩa akuĩre nĩ arũme gũtirĩ kĩgirĩko makagĩa nakĩo.
• 16. O na angĩonganĩrĩria betha ĩigana ta rũkũngũ, na nguo atumithie ciigana o ta gataka,
• 17. Gũtumithia nĩegũtumithia, no nĩ arĩa athingu magaciĩhumba, nayo betha ĩo, arĩa matarĩ ehia nĩo makamĩgayana.
• 18. Nyũmba ĩo eakĩire no ta ya mbũmbũĩ, kana ta rũtara rũrĩa rũakagwo nĩ mũriri.
• 19. Egũkoma e mũtongu, no gũcokera ndagacokera; aaracũria maitho, agakora ndarĩ ho.
• 20. Akinyagĩrĩrũo nĩ matebebia ta arĩ maĩ ma kĩguũ; ahuragio ũtukũ nĩ kĩhuhũkanio agatwarũo.
• 21. Rũhuho rũrĩa ruumaga na irathĩro rũmũũmbũraga agathiĩ naruo, rũmũhaatũrũragia rũkamũthengia harĩa atũũraga.
• 22. Nĩ gũkorũo Ngai arĩmũhũraga na ngurukuhĩ atekũmũiguĩra tha: nĩ kwenda arĩendaga o kũũra ehere guoko-inĩ gwake.
• 23. Andũ marĩmũhũragĩra hĩ nĩ kũmũkenerera, na mamũringagĩre mĩnjũri akĩingatwo hau atũũraga.

Home