Go Back

Ayubu Chapter 26

• 1. HĨNDĨ ĩo Ayubu agĩcokia akiuga atĩrĩ,
• 2. Kaĩ ũrĩ gũteithia ũrĩa ũtoima na ũhoti-ĩ! kaĩ ũrĩ kũhonokia guoko kũrĩa gũtoima na hinya-ĩ!
• 3. Kaĩ ũrĩ gũtaara wega mũndũ ũtoima na ũũgĩ-ĩ! na woimbũra ũmenyo mũingĩ ũrĩa mũkinyanĩru-ĩ!
• 4. Ũhoro ũcio nũ wahee? roho ũcio nĩ wa ũ ũkuumanaga nawe?
• 5. Atĩrĩrĩ, kinya ngoma cia imũndũ iria ciarĩ cia tene no itetemaga ii kũrĩa ruungu rũa maria na iria itũũraga kuo.
• 6. Kwa ngoma-rĩ, mbere yake nĩ kũguũku, kũu Ininanĩro-inĩ gũgakĩaga kĩhumbĩri.
• 7. Mwena wa gathigathini nĩaũtambũrũkĩtie itheri-inĩ rĩtarĩ kĩndũ, nayo thĩ ndarĩ kĩndũ amĩcunjurĩtie nakĩo.
• 8. Athaĩkanagia maĩ thĩinĩ wa matu make mamata, na gũtirĩ itu rĩngĩteehũrũo nĩmo.
• 9. Nĩ kũhitha ahithĩte gĩthiithi kĩa gĩtĩ gĩake kĩa ũnene, agatandaiya itu rĩake igũrũ rĩakĩo.
• 10. Ũthiũ wa maĩ nĩaũthiũrũrũkĩirie mũhaka, ũgakinya o na kũrĩa ũtheri ũhakanĩire na nduma.
• 11. Itugĩ iria itiirĩte igũrũ nĩciinainaga na ikagegeara nĩ mĩkũmĩre yake.
• 12. Tondũ wa ũhoti ũcio wake ahotaga kũhoreria iria, na tondũ wa ũtaũku wake akahiũkania Rahabu.
• 13. Nĩ mĩhũmũ yake ĩthakaragia igũrũ; guoko gwake nĩkuo gũthecaga njoka ĩrĩa hiũ.
• 14. Atĩrĩrĩi, ĩo no mĩthia ya maũndũ make: ĩ nĩ karũheehũ kanini atĩa tũiguaga ka ũhoro wake! ĩndĩ-rĩ, ũhoti wake aagwata kũũthungurumia, nũ ũngĩtaũkĩrũo nĩ mũthungurumĩre waguo?

Home