Go Back

Ayubu Chapter 17

• 1. Roho wakwa nĩ mũcingĩrĩru, matukũ makwa namo magakĩmica; mbĩrĩra noyo ĩnjetereire.
• 2. Aya twĩ nao anga to a kĩnyarari? ruurugĩ rũao noruo riitho rĩakwa rĩrona.
• 3. Ta ngwatia ithaga rĩa atĩ nĩũgũtuĩka mũndũgamĩrĩri harĩ wee mwene, amu-rĩ, nũ ũngĩ ũngĩĩtĩkĩra kũng’athana na niĩ?
• 4. Nĩ gũkorũo nĩũhithĩte ngoro ciao ũgerereri, magakĩũrũo nĩguo; na tondũ ũcio ndũkamatũũgĩria.
• 5. Mũndũ wa gũcuka arata ake, matuĩke ta kĩndũ gĩa gwĩtahĩrũo-rĩ, maitho ma ciana ciake nĩmakamicĩrĩra.
• 6. Niĩ-rĩ, nĩ gũtuwo nduĩtwo ta kĩgano harĩ kĩrĩndĩ, na ngatuĩka wa kũminjagwo mĩnyĩrĩ hatarĩ hitho.
• 7. Maitho makwa makinyĩte kũira nĩ ũrĩa njikaraga o na mwĩthikĩro, na ciĩga ciakwa ciothe ihũthĩte o ta kĩĩruru.
• 8. Andũ arĩa arũngĩrĩru no kũgegio nĩ ũhoro ũcio, mũndũ ũtarĩ na ũũru-rĩ, no kwambararĩra arĩa ithagathago.
• 9. No rĩrĩ, mũndũ ũrĩa mũthingu no athiage na mbere arĩ o njĩra ĩo yake, ũcio wĩ na moko matheru-rĩ, hinya wake nĩ kwĩongerera ũrĩĩongagĩrĩra.
• 10. Ta no gĩcokei ho, inyuothe, mũgĩũke rĩu; amu ndirĩ ndĩrona mũndũ mũũgĩ o na ũmwe harĩ inyuĩ.
• 11. Matukũ makwa nĩmarĩkĩtie kũhĩtũka, namo methugunda makwa nĩ gũtuĩkĩra matuĩkĩire, megereria marĩa maarĩ ngoro yakwa magathata.
• 12. O nĩ kũgarũra mekũngarũrĩra ũtukũ ũtuĩke mũthenya, makanjĩra atĩ nduma nĩĩkuhanĩrĩirie na ũtheri.
• 13. Ongorũo mũciĩ ũrĩa njĩrĩgĩrĩire ũtuĩke wakwa no kwa-ngoma, na akorũo kĩrumia gĩakwa ndĩkĩarĩire o kũu nduma-inĩ-rĩ;
• 14. Ndagĩkorũo kũu rĩorero-inĩ ndĩkwĩrĩte atĩrĩ, Wee nowe baba, nakĩo kĩgunyũ ngakĩĩra, Wee nĩwe maitũ, o na nowe mwarĩ wa maitũ-rĩ,
• 15. Kĩĩrĩgĩrĩro gĩakwa gĩkĩrĩ ha? kĩĩrĩgĩrĩro gĩakwa kĩngĩkĩonwo nũ?
• 16. Nĩ rĩrĩ, nĩ kũharũrũka gĩkaharũrũka nginya o hingĩro-inĩ cia kwa-ngoma, o rĩrĩa tũkahurũkania tĩri-inĩ.

Home