Go Back

Ayubu Chapter 11

• 1. HĨNDĨ ĩo Zofaru, ũrĩa Mũnaamathi, agĩcokia akĩũria atĩrĩ,
• 2. Ũingĩ wa ciugo-rĩ, githĩ ndũngĩgĩcokeka? nake mũndũ ũiyũirũo nĩ ndeto no atuĩke mũhootu?
• 3. Andũ no mekirĩre nĩ ũndũ wa mwĩraho ũcio wĩ naguo? wakĩaria ũhoro wa kĩnyarari-rĩ, githĩ ndũrĩ mũndũ ũngĩgũconorithia?
• 4. Amu wee, ũrĩa ũkuuga, nĩ ũũ: Ũhoro wakwa nĩ ũrĩa mũkembu, o na niĩ ndĩ mũtheru maitho-inĩ maku.
• 5. Na arĩ korũo Ngai aaria arĩ we, atumũre mĩromo yake agũtarũre!
• 6. Na acoke akuonie maũndũ marĩa ma hitho ma ũũgĩ-ũrĩa-wa-ma, nĩ gũkorũo ũũgĩ ũrĩa mũkinyanĩru nĩ wa mĩtunda mĩingĩ! Wamenya atĩ Ngai akũrĩhĩtie irĩhi inyinyi gũkĩra ũrĩa waganu waku wagĩgĩirũo.
• 7. Githĩ wee wahota gũtuĩria maũndũ marĩa marikĩru ma Ngai? Mwene-Hinya-rĩ, maũndũ make wee wahinyia o kũmahinyia?
• 8. Ũhoro wake ũtũũgĩire ta igũrũ; wee nĩ atĩa ũngĩĩĩkĩra? kũrika ũrikĩte gũkĩra kwa-ngoma; wee nĩ ũndũ ũrĩkũ ũngĩĩmenyera?
• 9. Mũigana waguo nĩ mũraya kũrĩ thĩ, na ũkaarama kũrĩ iria rĩrĩa inene.
• 10. Aatua kũhungurĩra harĩ andũ akĩmahingagĩra kĩoho-inĩ, na etanĩre cira-rĩ, nũ ũngĩkĩhota kũmũgiria?
• 11. Amu andũ arĩa a tũhũ, we nĩamoĩ; waganu no akĩwonaga, o na atawĩcũranĩirie.
• 12. No andũ-rĩ, amu nĩ ibĩgĩ o ũguo, nĩ kwaga maagĩte meciria; ĩĩ-ni, mũndũ aciaragwo atariĩ ta gĩcaũ kĩa ndigiri ya gĩthaka.
• 13. Wee-rĩ, ũngĩerekereria ngoro yaku wega, na ũmwarĩre moko ũmũhoe,
• 14. Na gwakorũo guoko gwaku nĩgũkumbatĩirie ũndũ mwaganu, ũũthengie hanene, na ndũreke ũgenyũ ũtũũre hema-inĩ ciaku;
• 15. Ũngĩĩka ũguo-rĩ, no ũtiire ũthiũ waku ũtarĩ na kaũũgũ, ĩĩ-ni, no wĩkindĩre, na ũtige gwĩtigĩra.
• 16. Kĩnyamaro gĩkĩ wĩ nakĩo nĩ kũriganĩrũo ũngĩriganĩrũo nĩkĩo; wakĩririkana, no gũtuĩke ta ũrĩa mũiyũro wa maĩ ũririkanagwo ũrĩkĩtie kũhĩtũka.
• 17. Mũtũũrĩre waku ũngĩtheraga gũkĩra mũthenya barigici, o na kũngĩgĩa nduma, yatuĩka ta ũtheri wa kĩroko.
• 18. Watũũra o na mwĩhoko nĩ ũndũ ũkĩrĩ na kĩĩrĩgĩrĩro; ũngĩng’etangagia ũrĩa gũtariĩ, ũgĩcokaga kũhurũka na mwĩgangaro.
• 19. O na gũkoma ũngĩkomaga, gũtarĩ ũngĩkũiguithia guoya; ĩĩ-ni, o na nĩ andũ aingĩ mangĩĩendagĩrĩria harĩ wee.
• 20. Ĩndĩ andũ arĩa aaganu-rĩ, maitho mao no mamicĩrĩre, nao nĩ kwaga makaaga harĩa mangĩangĩra; ũndũ ũrĩa makerĩgĩrĩra no kuumwo nĩ muoyo.

Home