Go Back

Nehemia Chapter 10

• 1. Na rĩrĩ, andũ arĩa maagĩĩkĩrire ũhoro ũcio rũũri-rĩ, nĩ Nehemia, ũcio barũthi, mũrũ wa Hakalia, na Zedekia;
• 2. na Seraia, na Azaria, na Jeremia;
• 3. na Pashuru, na Amaria, na Malikija;
• 4. na Hatushu, na Shebania, na Maluku;
• 5. na Harimu, na Meremothu, na Obadia;
• 6. na Danieli, na Ginethoni, na Baruku;
• 7. na Meshulamu, na Abija, na Mijamini;
• 8. na Maazia, na Biligai, na Shemaia; acio nĩo maarĩ athĩnjĩri-Ngai.
• 9. Nao Alawii nĩ aya, Jeshua wa Azania, na Binui wa ariũ a Henadidi, na Kadimieli;
• 10. nao ariũ a ithe wao nĩ Shebania, na Hodia, na Kelita, na Pelaia, na Hanani;
• 11. na Mika, na Rehobu, na Hashabia;
• 12. na Zakuri, na Sherebia, na Shebania;
• 13. na Hodia, na Bani, na Beninu.
• 14. Nao anene a andũ arĩa angĩ, nĩ Paroshu, na Pahathu-moabi, na Elamu, na Zatu, na Bani;
• 15. na Buni, na Azigadi, na Bebai;
• 16. na Adonija, na Bigivai, na Adini;
• 17. na Ateri, na Hezekia, na Azuri;
• 18. na Hodia, na Hashumu, na Bezai;
• 19. na Harifu, na Anathothu, na Nobai;
• 20. na Magipiashu, na Meshulamu, na Heziru;
• 21. na Meshezabeli, na Zadoku, na Jadua;
• 22. na Pelatia, na Hanani, na Anaia;
• 23. na Hoshea, na Hanania, na Hashubu;
• 24. na Haloheshu, na Piliha, na Shobeku;
• 25. na Rehumu, na Hashabina, na Maaseia;
• 26. na Ahia, na Hanani, na Anani;
• 27. na Maluku, na Harimu, na Baana.
• 28. Nao andũ arĩa angĩ, nĩo athĩnjĩri-Ngai, na Alawii, na aikaria mĩrango, na aini nyĩmbo, na Anethini, o na andũ othe arĩa meamũrĩte marũmĩrĩre watho wa Ngai magĩtigana na andũ a mabũrũri marĩa mamarigicĩirie, me na aka ao, na ariũ ao, o na airĩtu ao, andũ othe, mũndũ o mũndũ ũrĩa warĩ na ũũgĩ o na akahota kũmenya maũndũ,
• 29. andũ acio othe-rĩ, magĩkĩĩgwatania na ariũ a ithe wao, o na andũ ao arĩa anene a matũũra, makĩĩkĩra ũhoro-inĩ wa kwĩgirithia, o na kwĩhĩta, atĩ nĩmarĩrũmagĩrĩra watho wa Ngai ũrĩa waathanirũo nĩ Musa, ndungata ya Ngai; na atĩ nĩmarĩĩkaga maũndũ mothe ma maathani ma Jehova, Mwathani witũ, na mamamenyagĩrĩre, o na matuĩro make ma cira, o na irĩra cia watho wake wa kĩrũmĩrĩrũo;
• 30. na atĩ tũtikanahe andũ a bũrũri ũyũ airĩtu aitũ, o na kana tũtware airĩtu ao mahikio nĩ ihĩĩ ciitũ.
• 31. Ningĩ andũ a bũrũri ũyũ mangĩkarehe indo ciao, kana irio o na irĩkũ cia kwendia mũthenya wa thabatũ, tũtikanacigũre harĩ o mũthenya ũcio wa thabatũ, o na kana mũthenya ũngĩ o na ũrĩkũ ũrĩa mwamũre. Ningĩ tũgĩkiuga atĩ nĩtũkareka bũrũri witũ ũtige kũrĩmwo mwaka wa mũgwanja, na atĩ nĩtũgatiga kũrandũra thirĩ o na ũrĩkũ mwaka ũcio.
• 32. Ningĩ tũgĩĩthondekera mũtugo wa kũrũmĩrĩrũo, atĩ twĩĩtagie gĩcunjĩ gĩa gatatũ gĩa cekeri ĩmwe, mwaka o mwaka, nĩ ũndũ wa wĩra wa nyũmba ya Ngai witũ;
• 33. na nĩguo wa mĩgate ĩrĩa ĩigagwo mbere yake, o na ũndũ wa igongona rĩrĩa rĩa gũtũũra rĩrutagwo hingo ciothe rĩa mũtu, o na ihaki rĩrĩa rĩa gũtũũra rĩrutagwo hingo ciothe rĩa njino, na ũndũ wa marĩa ma mĩthenya ya thabatũ, o na karũgamo-inĩ ka mĩeri, o na ũndũ wa ciathĩ iria ciathanĩtwo, o na indo iria nyamũre, o na ũndũ wa igongona rĩa mehia rĩa kũhoroheria Isiraeli narĩo, o na ũndũ wa wĩra wothe wa nyũmba ya Ngai witũ.
• 34. Na ithuĩ athĩnjĩri-Ngai, o na Alawii, o na andũ arĩa angĩ, tũgĩgĩcuka mĩtĩ nĩ ũndũ wa ngũ iria irutagwo cia gũtwarũo nyũmba ya Ngai witũ, o mahinda marĩa matuĩtwo mwaka o mwaka, o ta ũrĩa nyũmba cia maithe maitũ itariĩ, nĩguo icinagĩre nyamũ kĩgongona-inĩ kĩa Jehova, Ngai witũ, o ta ũrĩa kwandĩkĩtwo watho-inĩ.
• 35. Ningĩ tũkĩrĩkanĩra atĩ tũrehage gũkũ nyũmba ya Jehova maciaro ma mbere ma mĩgũnda iitũ, o na maciaro ma mbere ma mĩthemba yothe ya mĩtĩ ya matunda, mwaka o mwaka,
• 36. na marigithathi ma ihĩĩ ciitũ, o na ma ũhiũ witũ, o ta ũrĩa kwandĩkĩtwo watho-inĩ, o na marigithathi ma ng’ombe ciitũ, o na ma mbũri ciitũ, tũkĩrehage indo icio gũkũ nyũmba ya Ngai witũ harĩ athĩnjĩri-Ngai arĩa marutaga wĩra nyũmba ĩno ya Ngai witũ.
• 37. Ningĩ tũrehage kĩmere giitũ kĩa mbere, o na indo cia magongona maitũ ma kũiyũkio na igũrũ, o na maciaro ma mĩthemba yothe ya mĩtĩ, na ndibei, o na maguta, harĩ athĩnjĩri-Ngai, tũigwo tũnyũmba-inĩ twa nyũmba ya Ngai witũ; o na tũrutage gĩcunjĩ gĩa ikũmi kĩa irio cia mĩgũnda iitũ gĩa kũheagwo Alawii; nĩ ũndũ Alawii acio nĩo maheagwo gĩcunjĩ gĩa ikũmi kĩa ũrĩmi witũ wa matũũra-inĩ maitũ mothe.
• 38. Na rĩrĩ, hĩndĩ ĩrĩa Alawii mekuoya icunjĩ icio cia ikũmi-rĩ, hatirĩ hingo hatarĩkoragwo he mũthĩnjĩri-Ngai, mũrũ wa Haruni, wĩ hamwe na Alawii acio; ningĩ Alawii matwarage gĩcunjĩ kĩmwe gĩa ikũmi kĩa indo icio ciothe, magakĩige nyũmba ya Ngai witũ, tũnyũmba-inĩ tũu thĩinĩ, o harĩa haigagwo mũthithũ wa indo cia bata.
• 39. Nĩ gũkorũo ciana cia Isiraeli, o na ciana cia Lawii, nĩirĩtwaraga indo cia igongona rĩa kũiyũkio na igũrũ kũu tũnyũmba-inĩ tũu thĩinĩ, nacio nĩ ngano, na ndibei, na maguta, ciigwo harĩa indo cia handũ harĩa haamũre irĩ, o hau athĩnjĩri-Ngai arĩa marutaga wĩra wao, o na aikaria mĩrango, o na aini nyĩmbo maikaraga; na ithuĩ tũtikagĩa na thieya wa kũruta wĩra wa nyũmba ya Ngai witũ.

Home