Go Back

1 Maũndũ ma Matukũ ma Tene Chapter 5

• 1. Na rĩrĩ, aya nĩo ariũ a Reubeni, irigithathi rĩa Isiraeli, (tondũ nĩwe warĩ wa irigithathi, no rĩrĩ, tondũ wa ũrĩa aagwatirie ũrĩrĩ wa ithe thahu-rĩ, ũrigithathi wake waheirũo ariũ a Jusufu, mũrũ wa Isiraeli, naguo ũhoro wa ũrĩa njiaro ciao irũmanĩrĩire ndũngĩtwarũo ta ũrĩa kĩhooto gĩa gũciarũo gĩtariĩ.
• 2. Nĩ gũkorũo Juda nĩwe wahootanire mũno gũkĩra ariũ a ithe, na mũtongoria oimire o thĩinĩ wake; no rĩrĩ, ũrigithathi watuĩkire wa Jusufu:)
• 3. ariũ a Reubeni ũcio, irigithathi rĩa Isiraeli, nĩ Hanoku, na Palu, na Hezironi, na Karami.
• 4. Nao ariũ a Joeli nĩ Shemaia mũrũwe, na Gogu mũrũwe wa ũcio, na Shimei mũrũwe wa ũcio,
• 5. na Mika mũrũwe wa ũcio, na Reaia mũrũwe wa ũcio, na Baali mũrũwe wa ũcio,
• 6. na Beera mũrũwe wa ũcio, ũrĩa Tiligathu-pilineseri, mũthamaki wa Ashuri, aagwatire mũgwate agĩthiĩ nake; ũcio nĩwe warĩ mũnene wa Areubeni.
• 7. Nao ariũ a ithe o ta ũrĩa mbarĩ ciao ciatariĩ hĩndĩ ĩrĩa njiaro ciao ciataragwo-rĩ, nĩ aya: Jeieli nĩwe warĩ mũnene wao, na Zekaria,
• 8. na Bela mũrũ wa Azazi wa Shema, wa Joeli, ũrĩa watũũraga Aroeri, o nginya Nebo, na Baali-meoni;
• 9. naguo mwena wa irathĩro aatũũrire o nginya nyumĩrĩra ya werũ kuuma rũũĩ rũa Farati; nĩ gũkorũo ũhiũ wao nĩwaingĩhĩire mũno bũrũri wa Gileadi.
• 10. Namo matukũ ma Saulu nĩmaarũire mbaara na Ahagari, makĩmoraga; nao magĩgĩtũũra hema-inĩ ciao kũu bũrũri ũcio wothe wa mwena wa irathĩro wa Gileadi.
• 11. Nao ariũ a Gadi magĩtũũra mang’ethanĩire nao, kũu bũrũri wa Bashani, o nginya Saleka.
• 12. Nakuo kũu Bashani-rĩ, Joeli nĩwe warĩ mũnene wao, nake Shafamu nĩwe warĩ wa kerĩ, ningĩ Janai na Shafati maarĩ o kuo;
• 13. o na ningĩ ariũ a ithe wao a nyũmba cia maithe mao magĩtũũra o kuo, nao nĩ Mikaeli, na Meshulamu, na Sheba, na Jorai, na Jakani, na Zia, na Eberi, andũ mũgwanja.
• 14. Acio nĩo maarĩ ariũ a Abihaili, mũrũ wa Huri wa Jaroa, wa Gileadi, wa Mikaeli, wa Jeshishai, wa Jahado, wa Buzi;
• 15. na Ahi, mũrũ wa Abidieli wa Guni, mũnene wa nyũmba cia maithe mao.
• 16. Nao magĩtũũra Gileadi, o kũu Bashani, o na matũũra ma bũrũri ũcio, o na ithaka imarigicĩirie cia ũrĩithio cia Sharoni, o nginya kũndũ kũrĩa mĩhaka yao yakinyĩte.
• 17. Acio othe-rĩ, nĩmaatarirũo o ta ũrĩa njiaro ciao ciatariĩ matukũ-inĩ ma Jothamu, mũthamaki wa Juda, o na matukũ-inĩ ma Jeroboamu, mũthamaki wa Isiraeli.
• 18. Na rĩrĩ, ariũ a Reubeni, na Agadi, o na nuthu ya mũhĩrĩga wa Manase-rĩ, arĩa othe maarĩ njamba na makahota kuoya ngo o na rũhiũ rũa njora, na gũikia mũguĩ na ũta, na makagĩa na ũũgĩ wa kũrũa mbaara, maarĩ ngiri mĩrongo ĩna na inya na magana mũgwanja na mĩrongo ĩtandatũ magĩtarũo; nao acio nĩ arĩa maahotaga kuumagara mathiĩ ita-inĩ.
• 19. Nao makĩhũrana mbaara na Ahagari, na Ajeturi, na Anafishi, na Anodabu.
• 20. Nao magĩgĩteithio makĩhũrana nao, na tondũ ũcio Ahagari makĩneanwo moko-inĩ mao me na arĩa othe maarĩ hamwe nao; nĩ gũkorũo nĩmaakaĩire Ngai mbaara-inĩ ĩo, nake agĩgĩĩtĩkĩra kũmaigua; nĩ ũndũ nĩmaamwĩhokire.
• 21. Nao magĩcoka magĩtaha ũhiũ wao; magĩtaha ngamĩra ngiri mĩrongo ĩtano, na mbũri ngiri magana merĩ ma mĩrongo ĩtano, na ndigiri ngiri igĩrĩ; na magĩtaha andũ ngiri igana rĩmwe.
• 22. Nĩ gũkorũo nĩhaagũire andũ aingĩ moragĩtwo, nĩ ũndũ mbaara ĩo nĩ Ngai wamĩrũithagia. Nao magĩgĩtũũra kuo ithenya rĩao, o nginya hĩndĩ ĩrĩa gwatahanirũo.
• 23. Nacio ciana cia nuthu ya mũhĩrĩga wa Manase igĩtũũra bũrũri ũcio, igĩkĩũtũũra iũrutĩtie Bashani, igĩkinya o Baali-herimoni, na Seniri, o na kĩrĩma kĩa Herimoni, ciĩthegeire kuo.
• 24. Nao aya nĩo maarĩ anene a nyũmba cia maithe ma cio; Eferi, na Ishi, na Elieli, na Azirieli, na Jeremia, na Hodavia, na Jadieli, o andũ arĩa maarĩ njamba irĩ hinya, na marĩ igweta, na anene a nyũmba cia maithe mao.
• 25. Nao andũ acio makĩagarara watho wa Ngai wa maithe mao, makĩĩrirĩria mũno kũrũmĩrĩra ngai cia andũ a bũrũri ũcio, o acio Ngai aaninire mehere mbere yao.
• 26. Nake Ngai wa Isiraeli akĩarahũra roho wa Puli, mũthamaki wa Ashuri, o na roho wa Tiligathu-pilineseri, mũthamaki wa Ashuri, nake agĩkĩmataha agĩthiĩ nao, nao nĩ Areubeni, na Agadi, o na nuthu ya mũhĩrĩga wa Manase, akĩmatwarithia Hala, na Habori, na Hara, o na kũu rũũĩ-inĩ rũa Gozani, nao matũire kuo o na ũmũthĩ.

Home