Go Back

1 Maũndũ ma Matukũ ma Tene Chapter 26

• 1. Na rĩrĩ, ũhoro wa matuanĩra ma aikaria mĩromo-rĩ, watariĩ ũũ: thĩinĩ wa Akora nĩ aya: Meshelemia, mũrũ wa Kore, wa ariũ a Asafu.
• 2. Nake Meshelemia ũcio aarĩ na ihĩĩ, nacio nĩ Zekaria wa irigithathi, na Jediaeli wa itiema, na Zebadia wa gatatũ, na Jathinieli wa kana,
• 3. na Elamu wa gatano, na Jehohanani wa gatandatũ, na Eliehoenai wa mũgwanja.
• 4. O nake Obedi-edomu aarĩ na ihĩĩ; nacio nĩ Shemaia wa irigithathi, na Jehozadaku wa itiema, na Joa wa gatatũ, na Sakaru wa kana, na Nethaneli wa gatano,
• 5. na Amieli wa gatandatũ, na Isakaru wa mũgwanja, na Peulethai wa kanana; nĩ gũkorũo Ngai nĩaamũrathimĩte.
• 6. O na ningĩ Shemaia, mũrũwe, nĩaaciarire ihĩĩ, na nĩcio ciaathaga nyũmba ya ithe wao; nĩ gũkorũo ciarĩ njamba irĩ hinya.
• 7. Nao ariũ acio a Shemaia nĩ aya: nĩ Othini, na Refaeli, na Obedi, na Elizabadu, nao ariũ a ithe Elihu na Semakia maarĩ andũ me hinya mũno.
• 8. Acio othe-rĩ, maarĩ ihĩĩ cia ariũ a Obedi-edomu; nao o ene, o na ariũ ao, o na ariũ a ithe wao-rĩ, maarĩ hoti cia ũruti wa wĩra wa nyũmba ya Ngai na hinya; nao maarĩ mĩrongo ĩtandatũ na erĩ a Obedi-edomu.
• 9. O nake Meshelemia aarĩ na ihĩĩ, o na ariũ a ithe, marĩ hinya mũno, ikũmi na anana.
• 10. O nake Hosa, wa ariũ a Merari, aarĩ na ihĩĩ, nake Shimuri nĩwe warĩ mũnene wao, (nĩ ũndũ o na harĩa ataarĩ wa irigithathi, ithe nĩaamũtuire mũnene wao;)
• 11. na wa kerĩ nĩ Hilikia, na wa gatatũ nĩ Tebalia, na wa kana nĩ Zekaria. Nao ariũ a Hosa me hamwe na ariũ a ithe, othe maarĩ andũ ikũmi na atatũ.
• 12. Na rĩrĩ, andũ arĩa maathurĩtwo a ituanĩra rĩa ũikaria wa mĩromo moimĩte harĩ acio, nao maarĩ anene na maarĩ o na matuanĩra ma gũtungata kũu nyũmba ya Jehova, o ta ariũ a ithe wao arĩa angĩ.
• 13. Nao magĩcukanĩra mĩtĩ o ũndũ ũmwe gwata arĩa anyinyi o nginya arĩa anene, o ta ũrĩa nyũmba cia maithe mao ciatariĩ, nĩ ũndũ wa kĩhingo o kĩhingo.
• 14. Na rĩrĩ, icuka mĩtĩ rĩrĩa rĩkoniĩ mwena wa irathĩro-rĩ, rĩagũĩrĩire Shelemia. Magĩcoka magĩcukĩra Zekaria mũrũwe mĩtĩ, nake aarĩ mũheani kĩrĩra mũũgĩ mũno; nake akĩgũĩrũo nĩ mwena wa gathigathini.
• 15. O nake Obedi-edomu akĩgũĩrũo nĩ mwena wa gũthini; o nao ariũ ake makĩgũĩrũo nĩ nyũmba ya kũigwo indo.
• 16. Nao Shupimu na Hosa makĩgũĩrũo nĩ mwena wa ithũĩro, gũkuhĩ na kĩhingo gĩa Shalekethu, o kũu kwarĩ gacĩra ga kwambata, nao andũ a matuanĩra mao maaikaraga mang’ethanĩire.
• 17. Na rĩrĩ, mwena wa irathĩro gũgĩkĩgĩa Alawii atandatũ; naguo mwena wa gathigathini gũgaikaraga andũ ana mũthenya o mũthenya; o na mwena wa gũthini andũ ana, mũthenya o mũthenya; naho ha ũhoro wa nyũmba ĩo ya kũigwo indo-rĩ, gũgaikaraga andũ erĩ erĩ o mũthenya.
• 18. Nakuo kũndũ kũu gwetagwo Paribari mwena wa ithũĩro, andũ ana magaikaraga gacĩra-inĩ kau kaambatu, nao andũ erĩ magaikara o ro kũu Paribari.
• 19. Ũguo nĩguo matuanĩra ma andũ acio maaikaragia mĩrango maatariĩ, o acio ariũ a Akora, o na ariũ a Merari.
• 20. Naho ha ũhoro wa Alawii-rĩ, Ahija nĩwe warĩ mũrori wa kũndũ kũrĩa kwaigagwo mũthithũ wa indo cia bata kũu nyũmba ya Ngai, o na kũrĩa kwaigagwo iria ciamũrĩirũo Jehova.
• 21. Na rĩrĩ, ũhoro wa ariũ a Ladani watariĩ ũũ: ariũ a Agerishoni, arĩa maarĩ a mũthimo wa Ladani, Mũgerishoni, o arĩa maarĩ anene thĩinĩ wa nyũmba cia maithe mao o nyũmba ĩo ya Ladani, Mũgerishoni ũcio-rĩ, nĩ Jehieli;
• 22. nao ariũ a Jehieli ũcio, nĩ Zethamu, na Joeli, mũrũ wa ithe. Acio nĩo maarĩ arori a kũndũ kũrĩa kwaigagwo mũthithũ wa indo cia bata kũu nyũmba ya Jehova.
• 23. Naho ha ũhoro wa Aamuramu, na wa Aizihari, na wa Ahebironi, o na wa Auzieli-rĩ,
• 24. nĩ Shebueli, mũrũ wa Gerishoni wa Musa, warĩ mũnene wa kũndũ kũu kwaigagwo mũthithũ wa indo cia bata.
• 25. Naho ha ũhoro wa ariũ a ithe, andũ arĩa maarĩ a mũthimo wa Eliezeri, nĩ Rehabia, mũrũwe; na Jeshaia, mũrũwe wa ũcio, na Joramu mũrũwe wa ũcio, na Zikiri, mũrũwe wa ũcio, na Shelomothu, mũrũwe wa ũcio.
• 26. Nake Shelomothu ũcio, na ariũ a ithe, nĩo maarĩ arori a kũndũ kũrĩa kwaigagwo mũthithũ wa indo cia bata iria ciaamũrĩirũo Jehova, o icio Daudi, mũthamaki, o na anene a nyũmba cia maithe mao, acio maarĩ anene a gwatha andũ ngiri o ngiri, o na igana o igana, o na anene a ita cia Isiraeli, maamũrĩte magacitheria.
• 27. Na rĩrĩ, indo iria maatahĩte maacihũranĩra ita-inĩ-rĩ, nĩcio maamũrire magĩcitheria cia gũcokereria nyũmba ya Jehova kũrĩa ĩngĩtharũka.
• 28. Ningĩ indo iria Samueli ũrĩa muoni maũndũ, na Saulu, mũrũ wa Kishu, na Ahineri, mũrũ wa Neri, na Joabu, mũrũ wa Zeruia, maamũrĩte magacitheria, o na mũndũ ũrĩa wothe waamũrĩte kĩndũ o na kĩ agagĩtheria, indo icio ciothe-rĩ, ciaigirũo moko-inĩ ma Shelomothu o na ariũ a ithe macirorage.
• 29. Naho ha ũhoro wa Aiziharu-rĩ, Kenania na ariũ ake nĩo maarĩ a wĩra ũrĩa warutagwo na nja ũkoniĩ kũrora Isiraeli, nĩguo matuĩke anene a gwathanaga o na aciri.
• 30. Naho ha ũhoro wa Ahebironi, nĩ Hashabia, na ariũ a ithe, andũ maarĩ njamba ngiri ĩmwe na magana mũgwanja, maaroraga Aisiraeli arĩa maatũire mũrĩmo ũrĩa ũngĩ wa Jorodani, mwena ũrĩa ũrorete ithũĩro, maũndũ-inĩ mothe ma wĩra wa Jehova, o na wĩra ũrĩa warutagĩrũo mũthamaki.
• 31. Ningĩ thĩinĩ wa Ahebironi-rĩ, Jerija nĩwe warĩ mũnene wao, o ta ũrĩa njiaro cia Ahebironi acio ciatariĩ cia nyũmba cia maithe mao. Naguo mwaka wa mĩrongo ĩna ĩrĩa Daudi aakorirũo athamakĩte-rĩ, nĩguo ũhoro wao watuĩririo, gũkĩoneka thĩinĩ wao njamba irĩ hinya o kũu Jazeri ya Gileadi.
• 32. Nao ariũ a ithe na Jerija ũcio, o acio maarĩ njamba-rĩ, maarĩ ngiri igĩrĩ na magana mũgwanja, nao maarĩ anene thĩinĩ wa nyũmba cia maithe mao, nao nĩo mũthamaki Daudi aatuire anyabara a kũroraga Areubeni, o na Agadi, o na nuthu ya mũhĩrĩga wa Amanase, ũhoro-inĩ wa maũndũ mothe marĩa maakoniĩ Ngai, o na marĩa maakoniĩ mũthamaki.

Home