Go Back

1 Maũndũ ma Matukũ ma Tene Chapter 17

• 1. Na gũgĩkinya atĩrĩ, atĩ hĩndĩ ĩrĩa Daudi etũũrĩire o gwake mũciĩ-rĩ, agĩkĩĩra Nathani, mũnabii, atĩrĩ, Rĩu-rĩ, niĩ ndĩgĩtũũraga nyũmba yakĩtwo na mĩtarakwa, no ithandũkũ rĩa Jehova rĩa kĩrĩkanĩro rĩtũire rĩhumbĩirũo na matama.
• 2. Nake Nathani agĩkĩĩra Daudi atĩrĩ, Ĩka ũndũ o wothe ũrĩa wĩ ngoro-inĩ yaku, nĩ gũkorũo Ngai e hamwe nawe.
• 3. Na gũgĩkinya atĩrĩ, atĩ ũtukũ o ro ũcio ndũmĩrĩri ya Ngai ĩgĩkinyĩrĩra Nathani, akĩĩrũo atĩrĩ,
• 4. Thiĩ ũkere Daudi ndungata yakwa atĩrĩ, Jehova oiga ũũ: Wee tiwe ũkũnjakĩra nyũmba atĩ nĩguo ndĩmĩtũũre,
• 5. kuona atĩ ndirĩ ndatũũra nyũmba kuuma mũthenya ũrĩa ndaambatirie Isiraeli, o na ũmũthĩ; no ndũire ’thamaga ngoima hema-inĩ ĩmwe, ngathiĩ hema-inĩ ĩrĩa ingĩ, o na ngoima gĩikaro-inĩ kĩmwe, ngathiĩ kĩrĩa kĩngĩ.
• 6. Atĩrĩrĩ, kũndũ kũrĩa guothe ndanathiĩ na Isiraeli othe-rĩ, ndĩ ndaaria kiugo o na kĩmwe hihi na mũtiirĩrĩri-bũrũri o na ũmwe wa atiirĩrĩri-bũrũri a Isiraeli arĩa ndaathire marĩithagie andũ akwa, ngĩũria ũũ: Nĩ kĩ kĩanagiria mũnjakĩre nyũmba ya mĩtarakwa?
• 7. Na rĩu tondũ ũcio nĩ wega ũkere Daudi ndungata yakwa atĩrĩ, Jehova Mũnene wa ita oiga ũũ: Atĩrĩrĩ, ndakũrutire ciugũ-inĩ cia mbũri ũtige gũcirũmĩrĩra nĩ getha ũtuĩke mũnene wa gwathaga andũ akwa Isiraeli,
• 8. na nĩnjikarĩte hamwe nawe kũndũ kũrĩa guothe wanathiĩ, na nĩ’ninĩte thũ ciaku ciothe, ikehera mbere yaku; na nĩngũtũma ũgĩe igweta, o ta andũ a gũkũ thĩ arĩa marĩ igweta mũno.
• 9. Nao andũ akwa Isiraeli nĩngũmathurĩra handũ, ndĩmahande ho, nĩ getha matũũrage handũ hao kĩũmbe, na matigacoke gũthamio rĩngĩ o na rĩ, o na kana ciana iria njaganu icoke kũmahinyaria o na atĩa, o ta ũrĩa ciekaga tene,
• 10. o na ta ũrĩa gwatariĩ kuuma mũthenya ũrĩa ndaathanire ngiuga atĩ atiirĩrĩri-bũrũri akwa matuĩke a gwathaga andũ akwa Isiraeli. Na nĩngatoria thũ ciaku ciothe. O na ningĩ ngũkwĩra atĩ Jehova nĩakahanda nyũmba yaku thutha waku.
• 11. Na nĩgũgakinya atĩrĩ, atĩ hĩndĩ ĩrĩa matukũ maku makahingio, nawe ũtuĩke no mũhaka ũthiĩ ũgaikare hamwe na mathoguo, nĩngahanda mũndũ wa mbeũ yaku ĩrĩa ĩgoka thutha waku, ũrĩa ũgakorũo arĩ wa ariũ aku; o naguo ũthamaki wake nĩngatũma ũikare ũrũmĩte mũno.
• 12. Mũndũ ũcio nĩwe ũkanjakĩra nyũmba, na nĩngatũma ũhoro wake wa gũikarĩra gĩtĩ gĩake gĩa ũthamaki ũtũũre ũrũmĩte mũno tene na tene.
• 13. Na nĩ niĩ ngatuĩka ithe, nake atuĩke mũrũ wakwa; na ndikamũthengeria tha ciakwa, o ta ũrĩa ndacithengirie harĩ ũrĩa warĩ kuo mbere yaku;
• 14. no rĩrĩ, nĩngatũma atũũre nyũmba-inĩ yakwa arũmĩte wega, o na ũthamaki-inĩ wakwa, tene na tene; o nakĩo gĩtĩ gĩake gĩa ũthamaki nĩgĩgaikara kĩrũmĩte wega tene na tene.
• 15. Na rĩrĩ, o ta ũrĩa ciugo icio ciothe ciatariĩ, o na ta ũrĩa ũhoro wa Ngai watariĩ ũrĩa waguũrĩirio Nathani, ũguo noguo aaririe akĩĩra Daudi.
• 16. Hĩndĩ ĩo mũthamaki Daudi agĩtonya agĩikara thĩ mbere ya Jehova, agĩkiuga ũũ: Atĩrĩrĩ, Jehova Ngai, niĩ ndĩ ũ, o nayo nyũmba yakwa-rĩ, nĩ ndũũ, atĩ nĩkĩo ũnginyĩtie o haha ndĩ?
• 17. Na rĩrĩ, Ngai, ũndũ ũcio nĩũwonete na maitho maku ta ũrĩ mũnyinyi, ũgagĩcoka kwaria ũhoro ũkoniĩ nyũmba yakwa wa ihinda iraya rĩrĩa rĩgoka thutha-inĩ; o na ningĩ, Jehova Ngai, nĩũ’thurĩte ta ndĩ ũmwe wa andũ arĩa anene mũno.
• 18. Niĩ na niĩ Daudi-rĩ, nĩ ũndũ ũrĩkũ ingĩgĩcoka gũkwĩra makĩria ũkoniĩ maũndũ ma gĩtĩo marĩa niĩ, ndungata yaku, njĩkĩtwo? Nĩ ũndũ-rĩ, wee nĩũnjũĩ, niĩ ndungata yaku.
• 19. Wee, Jehova, tondũ wa ndungata yaku, o na ũndũ wa ũrĩa wendete gwĩka na ngoro yaku, nĩkĩo wĩkĩte maũndũ macio manene ũguo, nĩ getha ũmenyithanie ũhoro wa maũndũ macio manene.
• 20. Atĩrĩrĩ, Jehova, gũtirĩ ũngĩ ũhaana tawe, o na kana gũkagĩa Ngai ũngĩ tiga wee, o ta ũrĩa ũhoro wothe ũrĩa twĩiguĩrĩire na matũ maitũ ũtariĩ.
• 21. Ningĩ-rĩ, nĩ rũrĩrĩ rũrĩkũ gũkũ thĩ rũtariĩ ta andũ aku Isiraeli, o aya Ngai aathiire gwĩkũũrĩra matuĩke rũrĩrĩ rũake kĩũmbe, nĩ getha wĩgĩĩre igweta maũndũ-inĩ manene ma kũmakania na ũndũ wa kũingata ndũrĩrĩ cieherere andũ aku aya wakũũrire, ũkĩmaruta Misiri?
• 22. Nĩ gũkorũo andũ aya aku, Isiraeli, nĩo watuire andũ aku kĩũmbe tene na tene; nawe, wee Jehova, ũgĩtuĩka Ngai wao.
• 23. Na rĩu, Jehova, tũma atĩ ũhoro ũcio warĩtie ũngoniĩ niĩ ndungata yaku, o na ũkoniĩ nyũmba yakwa, ũtũũre ũrũmĩtio tene na tene, na wĩke o ta ũguo uugĩte.
• 24. Narĩo rĩĩtwa rĩaku tũma rĩtũũre rĩrũmĩte, o na rĩnenehagio tene na tene, na kwĩragwo atĩrĩ, Jehova Mũnene wa ita nĩwe Ngai wa Isiraeli, ti-itherũ nĩwe Ngai wa Isiraeli. O nayo nyũmba ya Daudi ndungata yaku nĩĩhandĩtwo ĩkarũma wega mbere yaku.
• 25. Nĩ gũkorũo wee, Ngai wakwa, nĩũnguũrĩirie, niĩ, ndungata yaku, ũndũ ũyũ wa atĩ nĩũka’handĩra nyũmba yakwa, na tondũ ũcio niĩ, ndungata yaku, nĩnyonete arĩ wega na ngoro yakwa atĩ ngũhoe ndĩ mbere yaku.
• 26. Na rĩu, Jehova, wee nĩwe Ngai, na nĩũnjĩrĩire niĩ, ndungata yaku, ũndũ ũcio mwega;
• 27. na rĩu nĩwonete arĩ wega kũrathima nyũmba yakwa, niĩ ndungata yaku, nĩ getha ĩtũũre ĩrĩ mbere yaku tene na tene; nĩ gũkorũo wee, Jehova, nĩũmĩrathimĩte na nĩĩgũtũũra ĩrĩ ndathime tene na tene.

Home