Go Back

2 Athamaki Chapter 22

• 1. Na rĩrĩ, Josia aarĩ wa mĩaka ĩnana rĩrĩa aambĩrĩirie gũthamaka; agĩthamaka mĩaka mĩrongo ĩtatũ na ũmwe kũu Jerusalemu; nake nyina etagwo Jedida, mwarĩ wa Adaia wa kũu Bozikathu.
• 2. Nake agĩĩka maũndũ marĩa monagwo marĩ mega nĩ Jehova, agĩgĩthiĩ na mĩthiĩre ĩrĩa yothe ithe, Daudi, aathiaga nayo, na ndaigana kũhũgũka na mwena wa ũrĩo o na kana wa ũmotho.
• 3. Na gũgĩkinya atĩrĩ, atĩ mwaka wa ikũmi na ĩnana ĩrĩa Josia aakorirũo athamakĩte-rĩ, mũthamaki ũcio akĩrekia Shafani, mũrũ wa Azalia wa Meshulamu, ũrĩa warĩ mwandĩki-marũa, athiĩ nyũmba ya Jehova, agĩkĩmwĩra ũũ:
• 4. Ambata ũkinye he Hilikia, mũthĩnjĩri-Ngai ũrĩa mũnene, nĩ getha atare mbia iria itwarĩtwo nyũmba ya Jehova, o icio icokagĩrĩrio nĩ aikaria mũrango ihothithĩtio harĩ andũ;
• 5. nao macineane harĩ anyabara arĩa marutithagia wĩra wa nyũmba ya Jehova; nao acio macihe aruti wĩra arĩa marĩ nyũmba ya Jehova, nĩguo macokererie nyũmba ĩo kũndũ kũrĩa gũtharũkĩte;
• 6. macihe atharamara, na aaki, o na aicũhia mahiga; na magũre mĩtĩ nacio, o na mahiga maicũhie, ma gũcokereria nyũmba ĩo.
• 7. No rĩrĩ, mbia icio cianengerirũo andũ acio-rĩ, itiacokire gũthuuthuurio wĩra ũrĩa irutĩirũo; nĩ gũkorũo nĩmekaga maũndũ ma kwĩhokeka.
• 8. Na rĩrĩ, Hilikia, mũthĩnjĩri-Ngai ũcio mũnene, akĩĩra Shafani ũcio warĩ mwandĩki-marũa, atĩrĩ, Nĩnyonete ibuku rĩa watho gũkũ nyũmba ya Jehova thĩinĩ. Nake Hilikia akĩnengera Shafani ibuku rĩu, akĩrĩthoma.
• 9. Nake Shafani, ũcio mwandĩki-marũa, agĩthiĩ agĩkinya he mũthamaki, agĩcokeria mũthamaki ũhoro, akiuga atĩrĩ, Ithuĩ ndungata ciaku, nĩtwaruta mbia iria cionekire thĩinĩ wa nyũmba ya Jehova twacininũkia, na twacinenganĩra harĩ anyabara arĩa marutithagia wĩra wa nyũmba ya Jehova.
• 10. Ningĩ Shafani, ũcio mwandĩki-marũa, akĩhe mũthamaki ũhoro akĩmwĩra atĩrĩ, Hilikia, mũthĩnjĩri-Ngai ũrĩa mũnene, nĩaa’nengera ibuku. Nake Shafani agĩkĩrĩthomera mũthamaki.
• 11. Na gũgĩkinya atĩrĩ, atĩ hĩndĩ ĩrĩa mũthamaki aaiguire ciugo cia ibuku rĩu rĩa watho, agĩtembũranga nguo ciake.
• 12. Nake mũthamaki agĩgĩatha Hilikia mũthĩnjĩri-Ngai, na Ahikamu mũrũ wa Shafani, na Akiboru mũrũ wa Mikaia, na Shafani, ũcio mwandĩki-marũa, o na Asaia, ndungata ya mũthamaki, akĩmera atĩrĩ,
• 13. Thiĩi mũgatuĩrie ũhoro he Jehova nĩ ũndũ wakwa o na ũndũ wa andũ a bũrũri wakwa, o na andũ othe a Juda, ũkoniĩ ciugo cia ibuku rĩrĩ rĩonetwo; nĩ gũkorũo mang’ũrĩka ma Jehova marĩa acinĩtwo nĩmo nĩ ũndũ witũ nĩ manene mũno, tondũ maithe maitũ matiigana kũigua ciugo cia ibuku rĩrĩ, nĩguo mekage o ta ũrĩa maũndũ mothe matariĩ marĩa maandĩkĩtwo thĩinĩ warĩo matũkoniĩ.
• 14. Tondũ ũcio Hilikia, mũthĩnjĩri-Ngai, na Ahikamu, na Akiboru, na Shafani, na Asaia, magĩthiĩ kwĩ Hulida, mũnabii mũndũ-wa-nja, mũka wa Shalumu mũrũ wa Tikiva wa Harihasi ũrĩa waikaragia nguo cia mũthamaki; (nake mũtumia ũcio aatũũraga Jerusalemu gatũũra-inĩ ga kerĩ;) magĩkĩaranĩria nake.
• 15. Nake akĩmera ũũ: Jehova, Ngai wa Isiraeli, oigĩte atĩrĩ, Ĩrai mũndũ ũrĩa ũmũrekirie kũrĩ niĩ ũũ:
• 16. Jehova oigĩte atĩrĩ, Nĩngarehithĩrie kũndũ gũkũ ũũru, o na ndĩũrehithĩrie andũ arĩa matũũraga kuo, o ta ũrĩa ciugo ciothe cia ibuku rĩu mũthamaki wa Juda athomete itariĩ;
• 17. tondũ nĩmaatiganire na niĩ, magĩcinĩra ngai ingĩ ũbumba nĩ getha ma’thirĩkie, mandakarie na maũndũ mothe marĩa mekaga na moko mao; tondũ ũcio nĩngaakanwo nĩ mang’ũrĩka nĩ ũndũ wa kũndũ gũkũ, na matikahorahora.
• 18. No rĩrĩ, ha ũhoro wa mũthamaki wa Juda, ũcio ũmũrekirie mũũke mũtuĩrie ũhoro kwĩ Jehova-rĩ, mwĩrei ũũ: Jehova, Ngai wa Isiraeli, oigĩte atĩrĩ, Ha ũhoro wa ciugo icio ũiguĩte-rĩ,
• 19. tondũ ngoro yaku nĩyororoire, na ũkĩĩnyihia mbere ya Jehova hĩndĩ ĩrĩa waiguire maũndũ marĩa ndaarĩtie, ngoiga atĩ nĩngokĩrĩra kũndũ gũkũ, o na andũ arĩa magũtũũraga, nĩguo matũũra mao matuĩke o maganjo matheri na magwatwo nĩ kĩrumi, o na ũgĩtembũranga nguo ciaku ũkĩrĩrĩra mbere yakwa-rĩ, niĩ o na niĩ nĩndakũigua; ũguo nĩguo Jehova oiga.
• 20. Na atĩrĩrĩ, tondũ wa ũhoro ũcio nĩngagũcokereria ũturanĩrũo na mathoguo, ũkuuwo ũtwarũo mbĩrĩra-inĩ yaku na ũhoreri, namo maitho maku matikona maũndũ marĩa mothe moru ngarehithie kũndũ gũkũ. Nao magĩgĩcoka magĩkinyĩria mũthamaki ũhoro ũcio.

Home